اسهر مع العربان والقلب مجروح
اسهر عسى طول الليالي تسلي
عد ساعات الليالي والايام... اعدها ما فات منها دقيقه
الا يا طلعة المحبوب هلٌـــــي
تجلي في سما ليل انتظاري
الا يـا ويـل مـن مثلـي شهـر مـا نــام لــو ليـلـه
يبـان الصبـح مـن حـر الالـم مـا نـام سهـرانـي
البارحة جاني الوالد وعزاني
يقول ما توا هلك يالله الخيره
آه من ونة ٍ ونيتها تالي الليل
يوم شفت الحبيّب مبعد ٍ عن طريقي
مدام حبل الوصل يازين مقطوع
معناه ماللحب يازين خانه
حظي المنكوب يوم الله رماني
بين من قفى ومن خان العهود
خلك مع اللي تهتوي يا عشيري
وأنا لي الله يوم عني تخليت
والله يا ناس ودي التقي بالحبيب
مير ماهو بيدي مالي بالصالح نصيب
هذا انت قدامي اشوفك بعيني
رجلي على سكة وصالك ثقيله
يا اهل الهوى دمعي عيوني تهله
غرق ثيابي ما كفته المناديل
ياسعد لا تحاول كل شيٍ تعرفه
خل الأسرار تبقى في القلوب الحزينه
يا وين ابلقى لي وليف على حالي شفي
مايعاتبني ولااخطيت يدمح زلّـتي