يا اهل الهوى دمعي عيوني تهله

غرق ثيابي ما كفته المناديل

 

يا اهل الهوى بالقلب شيٍ يتله

من ضيقةٍ بالصدر عفت التعاليل

 

اليوم زادي ترى كبدي تمله

من يوم راح اللي كلامه مواويل

 

ابطى حبيبٍ وسط قلبي محله

واليوم حالي ضمن حال المعاليل

 

يابو فهد بنخاك رح له وقله

قله ترى ابن مغيض دمعه هماليل

 

قله حمد شاف العنا والمذله

اسهر مع العذرى واجر التواويل

 

لاشك مخفي الإسم ذا حشمةٍ له

من شان حبي صدق ماهو تماثيل


مختارات من الصور من حول العالم