لا لا تظلم كم على الارض مظلوم.. انسى الهموم وخل نفسك رضيّه
وصلني المكتوب في ظروف واختوم.. واسمك وعنوانك رموزٍ خفيّه
حللتها في جمله احروف وارقوم.. ورتّبتها بالاحرف الابجديّه
كان اول اسمك نون واخره معلوم.. شرّفتنا يا راعي السالميّه
جتني وانا فالبيت حاير ومهموم.. فرحت فيها كانت احسن هديّه
خل امس واشرحلي عن احوالك اليوم.. وبكره على الله يا رهيف الثنيّه
مشتني الدنيا على خط مرسوم.. امشي بدون ارضاي غصبٍ عليّه
اصبر عسى لك بالصبر خير مقسوم.. يحلها يا زين رب البريّه