ابتعادي عنك ما ضـنّي هروب
كيف ابهرب عن هواك بلا سبب
ابشر من عيوني الثنتين.. مثلك نلبّي مطاليبه
القلب ما يسكنه اثنين.. واحد ويكفيك تعذيبه
ابكي علشان الغلى يا عيوني.. لعل قلبي لي جرى الدمع يرتاح
ابكي على الوجه المليح الفتوني.. اللي بزينه للعشاشيق ذباح
موال:
ياناس هذي حالتي ويش اسوي
اختصر هرجك معايا لا يطول.. كان تفهم بالاشاره يا فهيم
المشاكل طالبه منا حلول.. ليش ما تمشي على وضعٍ سليم
استعد وشد حيلك للتحدي.. دام ذا ودك ترانا جاهزين
اشتقت لك يازين وانت اشتقت لي
ما قبلي احدٍ في بحر حبك وقع
اشتكي وابكي ولا لي من مجيب.. واحصر الدمعات بالطرف الحزين
من يطالب مثلي بحقٍ مصيب.. استدار الوقت جعل الله يعين
اصطنع بين العرب فرحتي كني سعيد..اخفى جروحي بروحي وكني في نعيم
خايفٍ هرج العواذل على مابي يزيد.. خايفٍ منهم يزيدون جرحٍ بي قديم
اصمم على فرقاك واقول عنك اقفيت.. واعوّد وعلى نفسي من اجلك واراجعها
انا اللي عذابي بالهوى كل ما صديت.. وشفتك ونفسي هجرك العام موجعها
اعترف لك بالخطأ وارجوك سامح.. والمسامح يعتبر طبعه كريم
للزعل باين على وجهك ملامح.. لا تظاهر بالرضا ماني غشيم
اعد ساعات الليالي والايام
اعدها ما فات منها دقيقه
اقنّع النفس العزيزه وتقنع.. في عزّها النفس العزيزه قنوعه
رح وان بغيت الله يحييك ترجع.. ماهي بنفسي للمقفي دنوعه
اكتب تنازل عن هوى العام واليوم.. اكتب تنازل كان عندك شجاعه
يكفيني اني منك يازين محروم.. مده وقلبي تايهٍ في ضياعه
أكيد أحبك ياهوى البال بالحيل.. ليش أتسائل عن هواي وغرامي
أنتا الذي حبيت معك التعاليل.. وأنتا هوى بالي وغايت مرادي
الا واعذاب اللي تذكّر بعيد الدار
حبيبه سكن ديره وهو ساكنٍ ديره..
الا وا عذابي ياهلي كل ما ونيت.. خطيرٍ على قلبي من فراق خلاني
اناالبارحه سهران ياعاذلي مامسيت.. سبايب حبيبي يوم عزّم بهجراني
الا يا حسرتي مما جرالي.. من المملوح مردوع الشفيّه
تكّدر خاطري والدمع سالي.. ما اذوق النوم وعيوني شقيّه
الا يا حسين الدل يا ابو خدود ملاح.. شريكي بروحي مشهدٍ كل خلق الله
فناة الشباب وكن في صدرتها تفاح.. ونجلٍ عيونه سود من دون كحلٍ له
ألا يا ربيع العمر ما عاد بي صبر.. خذ القلب فيما يطلبونه لك رهانه
مضى ما مضى صابر وكني على جمر.. عيوني على شوفتك يازين ولهانه
الا يا عاذلي ما عاد من ايش.. ما دمت على ذا الحال ما شي
الا يا عاذلي ما اظني اعيش.. وانا حالي مصاحبٍ بنفراشي
الا يا مل قلبٍ كل ما قلت ارجهن وسج
تعرض له طيورٍ يزعجن الصوت وازعجني
الا يا ويل من مثلي شهر ما نام لو ليله
يبان الصبح من حر الالم ما نام سهراني
الامر لله شب القلب نار.. انوح وابكي ولا فاد الانين
انا اسهر الليل واتعذب نهار.. والناس تدله وانا دايم حزين
الا يالله يـــا عــالــم بـحـالــي
تزيل الـهـم عــن قلـبـي تزيـلـه
البارحه حلو الكرى ما هناني.. والدمع من عيني تنثّر علي الجيب
من واهجٍ بأقصى الضماير كواني.. ابكي وقلبي كن وسطه لواهيب
البارحة في النـوم لاقيـت خلـي
فزيت له مشتاق من غرفـة النـوم
البارحه ممسيت عيني سهيره.. سهران ليت اصبح عليّ الصباحي
بدلت نومي بالدموع الغزيره.. واسهرت جيراني بكثر الصياحي
البارحة يا حبيبي ضاق صدري
والقلب حزنٍ على فرقا حبيبه
الجفا لي تعلنه يومٍ ويوم.. تدّعي غيري لها ما يوم لاق
والعتب في رايها مثل الهجوم.. ضحكتي معها تسميها نفاق
الحذر ما يمنعك من القدر.. ما كتب لك في جبينك بيصير
ما كتب للعبد ماعنه مفر.. ماعلى المقسوم والكاين مطير
الصاحب اللي شوفتي له شفاقه.. ردوه عني لا يجيني ولا اجيه
اذا عنى لي جيّته لي بانسراقه.. يزود حبه يا المخاليق واغليه
الصدر ضايق يقاسي هموم.. مع طول الايام مشقيني
بالبيت اجلس وانا مكتوم.. واصدر ليمن بكت عيني
الله خذك يمحال من وسط قلبي.. ربٍ خذك ينسيني اللي معك صار
كنت مناي تكون دايم بقربي.. واعيش انا وياك في جوٍ صحار
الله لنا ياللي علينا تكبرت.. الكبر لله يا ظبّي العدامي
عيرتك الدنيا علينا تغيرت.. الله اكبر ماترد السلامي
الله من دمعٍ عيوني تهله.. على وليفٍ بالجفا سم حالي
الله من قلبٍ تزايد لهيبه.. كن الحسا بقصاه نارٍ وينزين
عرّضت قلبي للدروب الصعيبه.. والناس لاموني ولاهم بدارين
الله واكبر مزّه من شفاتك.. اشوفها صارت عليكم ثقيله
الله واكبر من يسوي سواتك.. ارخص لك الغالي ونفسك بخيله
الله يا وقتٍ مضى يا ابو خالد.. ما عاد يرجع كود الاموات يحييون
الله من ليلٍ على العود قاعد.. وذولي سروا ذولي مساكين يبكون
الناس نامو وانا اسهر.. والقلب مشعل بناره
والقلب له حظ يسهر..مارتاح ليله نهاره
الوعد قدام يا خالي الفؤاد.. رح وانا باروح واحكام القدر
قلبي ابيض وانت في قلبك سواد.. روح عني وابتعد كل الدهر
امسحي دمع العيون الباكيه.. فوق خدٍ جرحه سيل الدموع
عالجي كل الجروح الخافيه.. وصفة الدكتور ما فيها نفوع
أمسي بهمي وأصبح الصبح بي زود.. ودموع عيني يالغضي يذرفني
والحال مني غادين كنه العود.. سلبت عقلي ياهوى البال مني
امنتك وسلمتك خفوقتي وتلعبه.. حرام الثقه بمثل شرواك يا قاسي
تناسيتني من غير ذنبٍ ولا سبه.. وقلبك حجر ما شفت انا عندك احساسي
ان شكينا بكينا وافضحتنا الدموع.. وان سكتنا علينا طال ليل العذاب
آه من لوعة الفرقا وخل قطوع.. من عرفته وحنا في خصام وعتاب
انا الغلطان فعلاً يوم صارحتك بحبي لك.. حسبت انك تقدّر موفق اللي بالهوى جالك
ملفاتي كشفتها لك ولا حلّلت تحليلك.. ولا يطري على بالي طواري جت على بالك
انا حيران ومبهذل وعايش في قلق نفسي.. عسى ربي يبدل لي همومي والحزن افراح
سواد الليل صادقني ولا يرضى عليّ امسي.. يبني من غياب الشمس انادم ظلمه الاصباح
انا عزيز النفس عن كل خداع.. سكّرت يا خلّي جميع النواحي
هذا ولو اني عليلٍ وملتاع.. يصبح علي الصبح ممسيت واعي
انت بس الوحيد اللي عليّه تمون.. انت دنياي لوعاتها ولذّاتها
قالوا الناس حبيته محب جنون.. ما دروا عن حياتي كيف غاياتها
انساك هذا سابع المستحيلات.. والمستحيل اعود لك خاضع الرأس
والمستحيل القى مع الناس هيهات.. مثلك ولا تلقى وفايه مع الناس
آه من لاهبٍ يا زين باقصى الضمير.. حسبي الله على من صار فيه السبب
حسبي الله على من لاع قلب الضرير.. في غرامك وهو من حلو ماكم شرب
آه انا وا عذبي منك يا نور عيني.. عقب ما شفت انا من الجفا والصدود
وش بك يا حبيب دايماً ما تبيني.. ارحم اللي بحبكم ما يطيع الحسود
آه يا شيٍ بقلبي واجحده لا يبين.. والعيون الشقيه دمعها خانها
عضب عني بكت عني وباح الكنين.. يوم عن شوف خلي طال حرمانها
آه يا من تمركز حبها في خفوقي.. ليه ترضين تعذيبي بلّيا سبايب
ليه عني تغيّبتي وانا لك شفوقي.. القطيعه ترى ماهي بسلم الحبايب
آه يا ونتي ونة وحيد الجزيره.. ونتي ونته واشاركه في الطبيعه
آه لي جرها من جايرٍ في ضميره.. تحسوبه طرب لاشك حده قطيعه
آه ياعينٍ بكت من فقد غالي.. يالله المطلوب لاتقطع رجاها
عزّتي للي جرى له ما جرى لي.. ان ضحك بالسر عبراته جناها
اهلاً هلاً باللي عيـونه رمتني
يا مرحـبا ياروح روحـي وسهلين
اوقف دموع العين لا تجرح الخد.. وذرّه عن النسمه تراها تضره
خل البكى للي سواتي تعوّد.. مافيه شي غير قربك يسره
بنظره عين صوّبني حبيبي.. اصاب القلب من نظره اصابه
الا يا جارح القلب الصويبي.. من اسبابك ترى كلٍ درى به
تذرف عيوني دمعها لي تذكرت.. شخصٍ على قلبي عزيزٍ وغالي
ياما على شانه تعبت وتنكدت.. اسهر طوال الليل جالس لحالي
تركت حبك يوم شفتك تكبّرت.. وانا بحبك غاطسٍ لين راسي
انت الذي للحب قبلي تنكرت.. واعلنت عصيانك علي بحماسي
تركنا الحب يا زين المعزّل.. ودينّا وخلينا الجهاله
اصادق كل من كبّر وهلّل.. ومن يعرف حرامه من حلاله
تشهد علي حبي لك دموع عيني.. اللي تسابق كل ما حل طاريك
وتشهد على حبي لك اربع سنيني.. انا على عهد المحبه مصافيك
تعاتبني على الغلطه وتنسى هجرك الدايم.. اجل وش لون لو نغلط معك غلطات ممنوعه
تشوف القطره الوحده وتنسى بحرك العايم.. تجاهل صوت موجاته وكلمتك كيف مسموعه
تقريب ساعه عشتها بين اياديك ** اغلى علي من باقي العمر كله
جيتي على ضني وهذا الامل فيك ** والكل منّا مرتجي شوف خله
تمنيت اشوفك يوم نامت عيون الحي.. وعذالنا ناموا والابواب مصكوكه
وجو البلد هادي والاغصان تقطر مي.. عليها الندى وغصونها الخصر مشبوكه
تولعت بك والله كتب لي على فرقاك
حسبيي على الحظ الردي كانه اشقاني
جاني خبر يا صاحبي منه ما طبت.. علمٍ جرح كبدي وزوّد لهبها
قالوا ترى خلك مشى في ضحى السبت.. اخذوه غصب وروحته ما رغبها
جرى الدمع من عيني وبغيت اشق الجيب.. على اللي بسوق سويده العصر وافاني
تلاقيت انا وياه في يمنها غرشه طيب.. وقفت في حيره بعد ما تحداني
جيتك وانا كلي هموم وغرابيل.. واحمل بيدي رمز من ذكرياتك
جيتك يا أعز الناس مع تالي الليل.. تسري بي الاحلام والروح جاتك
حراج يا من يسوم.. قبل أحترق وأنشوى
مشوي شوي اللحوم..مصهور لين أستوى
حسبي الله على الموتر قليل المروّه.. يوم نكّد على المجمول صافي الثماني
يوم دقيت سلفه ثار به ماس سوّه.. وطفت الكهربه وقال هدا مكاني
حل الفراق وزاد في قلبي الهم.. وايامي الحلوه تنكّس علمها
واصبحت في حالٍ بها الله يعلم.. من حيرهٍ بالنفس صدري كتمها
خبروني عن اللي غايبه عن عيوني.. كود تترك عيوني دمعها والسهر
الدقيقه تساوي عام كله حزوني.. في غياب الحبيبه الثواني شهر
خلاص عزمت انا فرقاك.. بنساك لو فيه تعذيبي
محدٍ جربني على شرواك.. وانت على الصد ناويني
خلاص من حبكم يازين عزلنا
معاد لي في هواكم شف او راده
خلوني ابكي يا هلي من غثا البال.. خلوني ابكي واتركوني لحالي
تبكي عيوني لي طرى اللي على البال.. خلٍ مضالي في هواهم ليالي
خلوني اتقلّب على نار الاشواق..اصلى بجحيم واحرق بناره
لكن عطوني خبر واقلام واوراق.. بكتب لمن شطّت علينا دياره
خليتني وصار الأمل فيك مقطوع.. ارحم خوقٍ وسط قلبي يناجيك
عيني دموعها دم ما تذرف دموع.. مجروح قلبي من سبايب تغليك
دمعي جرى والقلب جاه الهياما.. من يوم قالوا صاحب سافر اليوم
غدت بي الدنيا وصارت ظلاما.. جوّي غدى فوقه عواصيف وغيوم
راحت ليالينا ضاعت امانينا.. والزين ناسينا يقول انا ما اذكر
راح التعب فاضي خلي ماهو براضي.. ما يذكر الماضي بيني وبينه مر
ربي يا مولاي جعلك تعين اللي صبر.. الحزين اللي من فراق خله ما ينام
دمعته من فوق خده وطاوله السهر.. ناحلٍ حاله ولا باقيٍ كودالعظام
روح ياخوان ما عندك ضمير
استدار الوقت وكشفلي هواك
زعيم الحب منهو بشتكي له.. ابيه يعيد محبوبي عليّه
انا يا ناس ما بيدي حيله.. بعد ما باروا الخلاّن فيّه
سافر وترجع لو بعد حين.. لي يوم يا ابن سعيد اشوفك
انت الصديق اللي على الدين.. وما همني باقي ظروفك
سعيدٍ يا اهلي قلبي تهنّى.. بعد ما جاه من داوى صوابه
عطاه الله وحصّل ما تمنى.. غزالٍ تو في غايه شبابه
سنين ابعد وجت همسه.. عادت حاضرين امسه
رجعت امارس الاشعار.. بسجن حروفك الخمسه
سهرت الليل يا ليلي.. وه و ماجاني المحبوب
وانا وان قلت يا ويلي.. تعذّب قلبي المتعوب
سواد الليل جلاب الهموم
على الروح الحزينه يافهـد
سود الليالي بعدت كل محبوب
ياما وياما فرقت كل غالي
شد الحقايب قال ماشين بغداد.. الصبح من دار الرشيد اتصل فيك
قلت الرجوع وقال من غير ميعاد.. مشغول اخاف البعد عنّي ينسيك
شفت يا ناس زولٍ شاقني.. وقفت مربوط رجلي ما مشت
ساعه لمحته وحبه صابني.. نار المحبه بقلبي ولّعت
شفتك معاه واقفيت عنكم وصديت.. اخاف اموت من القهر في مكاني
ما ابعد ولا بك ياهوى البال ضنيت.. انك تولع في هوى خل ثاني
صاحبي يلبس البرقع ماهي عادةٍ له.. مير اخذ سلم جيرانه وصارت طبيعه
هيه ياللي نوصيكم على برقعٍ له.. وسّعوا قرضته ترى عيونه وسيعه
صبرنا وطول الصبر يقضي على الارواح.. اذا طال واتعدى حدوده ومعقوله
وصدقت من قال الصبر للفرج مفتاح.. وهي كلمهٍ صارت للامثال مقيوله
صحيح انا انغريت ساعه ملاقاك.. واليوم اقول يا ليت حظي تعداك
لي جيت بك هليت وابكي على فرقاك.. عذبتني بأوهام مشيت برضاك
صحيح من يلفي بليّا عزيمه.. الي من ضواه الليل يمسي بلا فراش
من باع قلبه وطلب فيه قيمه.. غلطان ياللي ترخص النفس ببلاش
صك باب المعرفه وابعد ابعيد عني.. غلطتي يوم اصدق وانخدع في عيونك
رح بفالك وانا باروح لا تمتحني.. فرح قلوب ناسٍ همهم يفرقونك
ضاق صدري وعيني بالدموع اذرفت.. واتصبر واشوف الصبرعيّا يفيد
اجحد جروح قلبي والدموع اكشفت.. كل ما امسح عيوني المدامع تزيد
ضحى الجمعه وبالصدفه انا والزين نتلاقى.. صدفت في طرريقٍ بلا ميعاد وافاتي
وقف محبوبي وسلم وقال القلب مستاقا.. وقلت اهلا حياه الروح وانا والله ولهاني
ظروفي دقاقه وصافي اللون جافيني. يا رب حسبي على منهي تسابيبه
يا ناعس الطرف لا تشقي معك عيني.. غيرك من الناس والخلان ما ليبه
عافت النوم عيني من هواجيس بالي.. هاجسي في حبيبٍ غاب ما ادري علامه
دون سبّه هجرني ما درى وش جرالي.. غاب عنّي وانا قلبي مكن به غرامه
عزي لكبدٍ من الغرابيل عزاه.. وعزي لقلبٍ فيه ستين عله
قلبي من الحسرات يكفيه ما جاه.. قلبي صويب ولا لقينا دوا له
عسى الله يلوم اللي لحالي يلومون.. وانا كيف الومك بعد ما شفت واوحيت
فلا تشكي الفرقا ترى القلب مطعون.. وانا لو دريت بغيب الايام ما جيت
عسى اللي حفظ يوسف على والده يعقوب.. يحفظ الذي عقبه العين سهرانه
ولا ذقت عقبه لذّت الزاد والمشروب.. محاجر عيوني بازرق الدمع غرقانه
عشــرة سنــين وافترقنـا في لـيلة
باسباب كلام فـارق خليـل خليـله
عشرة سنين وافترقنا في ليله
باسباب كلام فارق خليلٍ خليله
عشرة عمر معك انتهت وانتهينا.. وآخر دقايقها دموع الوداعي
شيٍ طبيعي نفترق من بعضنا.. فرقا وراها ما اظن اجتماعي
عفت الحياة ومنوتي ليتني مت.. خلاص يكفيني عذاب وغرابيل
ما عاد اطيق العيش بالسوق والبيت.. لا بالنهار ادله ولا ارتاح بالليل
علام حرف السين ما عاد سيّر.. ولي بغينا نوصله ما لقيناه
واليوم معدوم الوصايف مخيّر.. ان جاد جدنا وان نسانا نسيناه
على الوعد جيتكم.. يا مخلفين الوعود
جيتك على وعدكم.. ظنيت وعدك يجود
عيدكم مبروك يا سيد العذارى.. كل عامٍ وانت يا روحي بخير
صمتك الغامض علامه بي دمارا.. منك يا مضنون عيني ما يصير
فرقت الاقدار بيني وبين اغلى حبيـب
واظلم الوادي بدونه ولا عدناه طـراه
فكرت والمكتوب ومافيه حيله
ليت الليالي علمتني بالاسرار
قال من طول عذابه مستراح.. ساهرن الليل ودموعه تسيل
دمع عيني من على الأوجان ساح.. واعنا قلبي من الهم الطويل
قالت علامك ما تزوج وترتاح.. وتترك طريق الحب للي يبونه
حلفت ما اسمع هرج عاذل ونصاح.. ما بغا زواجٍ والقضي حيل دونه
قالت فمان الله واقفت وانا اقول.. متى علي يا زين تنوي الرجوعي
قالت وهي تبكي فراقٍ على طول.. واهتز قلبي هزتينٍ تروعي
قالوا اصبر وقلت الصبر ذا مستحيل.. عجّلوا قربوا مني القلم والدواة
بالهوى شلت حملٍ يا جماعه ثقيل.. طحت من سبته يا ناس ويش السوات
قررت اسيب الدار وارحل واخليك.. يكفيني اللي من سببكم جرالي
خلاص انا ما عاد ليّه نظر فيك.. دوّر وتلقى لك حبيبٍ بدالي
قريت مستقبل هوانا بعينيك.. ومن قبل ما تحكي عرفت النهايه
فكرت قبل انهى علاقاتي اعطيك.. فرصه اخيره من بقايا عطايه
قصه غرامٍ عذّب القلب مخلوق.. مسكين انا زاد حبه عليّه
حرّج على قلبي وداه للسوق.. وين العهود اللي مضت القويه
قطعت حبل الود ماتلتفت لي... الله على صدك وهجرانك يجازيك
احسب عيونك يوم تبكي صفت لي... وامسح دموعك بالاصابع واهديك
قلبي سمح ياحبيبي من مودتكم
خل الذي كبروا راسك يسرونك
قلبي معك لو شفت جسمي مع الناس.. ماغاب طيفك عن خيالي دقيقه
ودعتك اللي ما خلق مثلك اجناس.. حيل الله اقوى لو دموعي غريقه
كتمت الحب واثري الحب ما ينفع به التكمان.. ولا ينفع به الشكوى على من لا يشكيني
انا حبيت لي واحد عريب الخال والجدان.. على غيري وعرفه عندي اكثر من محبيني
كفى ما جرى والله يجازيك بالهجران.. طريحٍ جريحٍ منكم تسهر عيونه
انا في حياتي كلها ما اتبع الحقران.. على اللي طرالي تقصر الرجل من دونه
كل ساعه من حياتك رايحه.. ما يرجعها لك المال الكثير
ويش جاب اليوم مثل البارحه.. الزمن يمشي على سلك الحرير
كلنا لك يا حبيبي كلنا لك.. يعنا لا ضاق خاطرك وتصرف
من يردك لاتصرف في حلالك.. في حلالك ما لحد غيرك تصرف
كهربتني بالعيون السود.. كهربك زايد على خيرك
كنّك على هزّتي محدود.. يا شين تأثير تخديرك
كيف احبك وانت عن حبي بعيد.. كيف كيف اسوى كيف والحاجز حديد
كم عطيتك من حناني وانتظرتك.. من حنانك لو عباره ما تزيد
لا تتصل حول التلفون تشويش.. عندي قريبٍ لي يراقب كلامي
ذبحتني يا اسمر الليل بشويش.. يومك تذكّرني ليالي الغرامي
لا تجي يمي بعد خنت العهد.. مالي بقربك ولا شوفك لزوم
ابتعد عنّي وانا عنك ابتعد.. خاين العشره من الود محروم
لا تحدى وانت ما تسوى التحدي.. لا جميل ولا صريح ويش ابي بك
رح لعلك من غيابك ما تردي.. موترٍ وداك عني ما يجيبك
لا تحسب اني على هجرك بكيت.. لو يطوف الوقت ما همني جفاك
رح مع الايام حقق ما نويت.. ما حسبت حساب صدك من رداك
لا تحسبوني كل ماغنيت طربان.. انا بحالٍ يعلم الله سببها
ازعق بعالي الصوت من دون حسبان.. والناس ماتدري عن اللي حرقها
لا تخبره عني ترى ما بي خلاف ** شيٍ بسيط ولا على الحال خوف
مابيه يتكدر بال مجمول الاوصاف ** ولا بيه لاحزان الضماير يشوف
لا تسبق الاحداث ما في داعي.. اني معاك ابدأ حياهٍ جديده
طويت من بحر الرجاء بك شراعي.. النفس طابت وافعل اللى تريده
لا تسيء الظن مالي عن هواك.. مستحيل انساك وانسى اللسي جرى
صحح الغطات من سيره غلاك.. الهوى ماهو يباع ويشترى
لا توصفوني وصفكم زاد بلواي.. لا صار ما تدرون وش هو بلايه
وصف الدواء للي بخيصٍ بشكواي.. يعرف سبب جرحي ويعرف دوايه
لا لا تظلم كم على الارض مظلوم.. انسى الهموم وخل نفسك رضيّه
وصلني المكتوب في ظروف واختوم.. واسمك وعنوانك رموزٍ خفيّه
لا لا تقول انك معذب ومحروم.. ترى المعذب قلبي اللى كويته
انت عيونك دايماُ تعرف النوم.. قلبك مع غيري قطوعك عطيته
لا لا تكدر ما غاب عنك لو يوم.. وشلون ابسلى عنك يا نور عيني
مابيك تشكي من عنى الوقت مظلوم.. ما دمت حي لو تطول السنيني
لا واعذابك يا فهد.. خلك نوى الصد وابتعد
خلّي فؤادك يحترق.. من حر لوعات الفراق
لا وا هني طيورها في عششها.. ما قسّمت رزقه على الدين والكاس
تتبع هوى نفسه على كل مشها.. ما تشوف ما تكره وتغضي بالارماش
لا تجرح اللي خاطره منك مكسور
حاول تخفف من أساه بحنانك
لاسلى خاطر ولادنيا صفت.. كلما ضاقت تمنيت الرحيل
لوعت بالفرقاء عيون مابرت...غير شوف اللي رجوعه مستحيل
للناس طبعٍ يفرقون الولايف.. وش في يدي منك افرقونا غصيبه
عز الله اني لو تصبرت خايف.. الناي ما خلّوا حبيب وحبيبه
لمن ترفع الشكوى لمن تشكي النوى.. لم تبدي الاسرار بين الخلايقي
عرفت الهوى جاهل وعذبني الهوى.. وجد الهوى حسره لنار المفاريقي
لو ان قلبك حس بي وافتكرني.. ما طاوعك تغلي علي حبّه العيد
وش غيرك ياللي جمالك سحرني.. حتى سلام العيد صار بمواعيد
لي ضوى الليل عيني تنتظر للصباح
ولي بدأ النور ضاعت حيلتي وين اروح
ليه يا حبيب الروح.. ما ترحم المحزون
في حبكم مجروح.. والناس ما يدرون
ما على الدنيا وما فيها حسوفه.. كل شيٍ فانى ووجه الله باقي
الحبيب اللي رحل ودي اشوفه.. عيدي الثالث ترى يوم التلاقي
ما عندي اعصاب تتحمل.. اكثر من اللي تحملته
ان كان برضاك قد كمل.. وان كان برضاك كملته
ماهقيت ان الغلا يمحاه ماحي
لكن الايام ورتني العجايب
ما يفيد التوجّد والبكى والقصايد.. يا فهد صرت مثلك بالجزيره وحيد
يا هوى البال قلبي ما بقى له شرايد.. من عذابك تقطّع بين نار وحديد
ما تبكي عيون المشقّى هوايه
الا على بعد المواليف عنّا
معادني ملتفت لمك ولا باغيك... هذا جزى من يعاشر واحدن ثاني
ارخصت نفسك وانا من قبل ذا مغليك... بنساك يالي نويت قبلي تنساني
مانويتك بالجفا بس الضروره.. توجب النسيان في بعض الظروف
الي متي اصبر على ظلمك وجوره.. الي متي تغلط وانا عيني تشوف
محبه من طرف واحد نسمّيها.. محبة اللي فرض حبه وهو سالي
لو المحبه تباع لمن وقع فيها.. لعوّض الهجر والحرمان بالمالي
مرت علي ايام حلوه كثيره.. مرت على ايام القسوه اكثر
جربت بالدنيا تجراب مريره.. توي عرفت الوقت وشلون يغدر
مره تعاملني بعطفٍ وتقدير.. ومره تعمد وجعتي يا عشيري
تلعب بقلبي لعبه البزر بالطير.. يضحك وطيره ميتٍ ما يطيري
مشينا بدنيانا خذنا وخلينا.. طويله عريضه مالها اول ولا تالي
نسافر لمستقبل جهولٍ يمنّينا.. وماضٍ تشد القلب ذكراه بحبالي
مضالي عنك ايام وليالي.. اعد مواصلك ساعه بساعه
حزين الطرف ما يرتاح بالي.. عليل القلب من جور الولاعه
مع الاسف عشرتك طارت مع الريح.. بايع ضميره مثل شرواك اعافه
لولا الحياء لا اشقق الجيب واصيح.. وافضحك عند الله وخلقه كشافه
من اهل السالميه واعرفه يا فهد.. جابه الله عظيم الشأن يا مسندي
ليتني يوم الاحد ما دخلت البلد.. سمّر اقدام رجلي وطاح ما في يدي
من ردى الحظ قلبي طول الايام خايف
خايفٍ والليالي ما تجـي لـه بكيفـه
من منطلق حبي لك العام واليوم.. لاتحرق اوراق الغلى وانت غالي
إحفظ بقايا ما بقى واترك اللوم.. واصبر وابصبر والله اعلم بحالي
هذي مفاتيح حبي واحكم ما طارى لك.. ومن خضع لك وسلم ما نويت الوفاء له
احرقني القيد فقكه يا عشيري دخيلك.. ومن بلاع الولي في حبكم عزتي له
واعديني كان ودك نلتقي.. الهوى محلاه ليصار إجتماع
عوضي ما فاتنا في اللي بقي.. لا يروح العمر كله في ضياع
والله أني عارفٍ ويش النهايه.. مير أكذب هاجسي والظن فيك
ماحكو لي عنك أقول أنه دعايه.. وأدري أن الصح ماقالوه فيك
والله ما بعتك ولا هو بمعقول
ابيع ما ضينا على شان كلمة
والله ما بعتك ولا هو بمعقول.. ابيع ماضينا على شان كلمه
ودي اوصف لك شعوري ياحبيبي بس مدري
كيف ابقدر ياحبيبي واظهر الخافي بصدري
ورنا هجرك وخلينا نشــــــــــــوف
رح وانا بروح واعد الزمــــــن
وش الرأي في شخصٍ اذا اعتاز جاني.. وان كان ماله عازهٍ جنّب الباب
ما الوم من والف مع الناس سالي.. يلعب على الحبلين مع كل الاحباب
ول يا هاجسٍ يم الحبيّب سرابي.. لين وداني للمجمول في ظرف ساعه
نقّض الجرح هاجوسٍ وجدّد صوابي.. واحسب اني على فرقاه عندي شجاعه
يا بعد روحي عذابي منك طال.. منك انا مجروح وانت لي دواء
منك انا بصفق يميني بالشمال.. منك سدي باح والحال انطوى
يا حبيبي كيف بسلى عن هواك.. ان هذا يا حياتي مستحيل
بعدكم عني ترى فيه الهلاك.. خذ حياتي كلها لك يا جميل
يا حرق حالي من عذاب الدهر حرق.. والكبد من غدر الزمان محروقه
اربع ليالٍ ما اعرف الغرب والشرق.. والجسم ناحل ساكناتٍ عروقه
حسرتي قلت آه ويلاه ويلاه = يا اهل الهوى ياشين هجر الصديقي
يا شين هجر اللي من الناس تهواه = لا صرت ماتفهم لهجره طريقي
يا زين ما للود عندك معزّه.. ايضا ولا للصد عندك تفاسير
مسكينٍ قلبي بالمود تلزّه.. دمرن حالي يا هوى بالبال تدمير
يا زين مالك حق تزعل عليّه.. مشكلتني مشكله مالها حل
تزعل وانا ماجاك مني خطيّه.. وش جاك مني ياهوي البال تزعل
يا ناس حبيت واحــد... واثر المحبة صعيبـــه
اثر المحبة تبـــــــكي... والقلب لازم تجيبـــــه
ياناس مال الهوا دكتور.. يعالج قلوب المحبيني
ياناس.. ياناس.. ياناس ما للهوى دكتور؟
يا ولد سالم الرجعان قلبي جريح.. وانت عندي عزيز القدر واغلى صديق
والله اني اعرفك بالمواقف صريح.. احرقتني همومٍ كل ما بي حريق
يالله ياللى مـن تـرجـاك ماخـاب
يامن عـليه اشـكي مـشاكل حياتي
يا زين اخذت قلوبنا وياك
امس العصر يومك تعدانا
يازين ياللى مشيتك بالهون
وقف دخيل الله وكلمني
يا عشيري دخيلك لا تبيع الغلا
عهد حبي وحبك من يدك لا يضيع
يا عيون الشقاوي هلي الدمع كله
هلي الدمع كله يا عيون الشقاوي
ياقلب انسى اللي نساك وتحداك
واصبح بدرب الحب خاين وغدار
يا هلي والقلب عيّا لا يطيبي
علتي بالقلب عله داخليه