يا مرسال , يللي وجهتك صوب الشمال
عرج ع ديره عزها فاق الخيال
في لي بربعا امانة غالية
الدهر فرق شملنا , والهجر طال طال
هي روح شاعر عالربوع محولي
ومش ضيف.. فيها ساكنه ومطولي
بتطلع على عرش الجمال الاولي
لو تسابقو الحلوين ع تاج الجمال
شيدولا بيت من وبر الزهور
فصلولا توب من ريش الطيور
دللوها... عيشوها بالقصور
معودي عالعز.. ع عيش الدلال
باعت مع النسمات مرسال الهوى
تا يقولها شو صار فيي عالنوى
جرحت وليفا.. وغابت , ومعها الدوا
وقطعت خبرها.. لا سلام.. ولا سؤال
كانت الي.. وكنت الها اول حبيب
صارت غريبة.. وصرت عن قلبا غريب
هيك الله راد.. والدنيا نصيب
ومش كل ما تمناه.. قلب المرء نال