لوين يا مروان...؟ ع مهلك
ع مين تارك ارضك واهلك
سنتين صرلي شايفك حيران
ماكنت كلمه لوم وجهلك
كنت قول بعدو ولد جهلان
حلك يا ابني تفيق من جهلك
توعّى.. توعّى شويّ يا مروان
خلّيك مع اهلك ولا تهلك
يا ابني
لبست قميصا الاخضر التلا ّت
والسما والارض موجه نور
قوم يا ابني اشتاقت الكرمات
للميجانا ولهيصه المعدور
واشتاقت الرزقات للعجقات
خللي الصّخور تصير مرج زهور
وتلّه الوادي... غنجه النايات
منجيره الراعي... وعيطه الناطور
يا ابني
هالارض منّا ودمّنا منها
وغلا ّتها وخيراتها منّا
ايماننا بالحب كونها لمّا اله الخير كونّنا
الحبّ صوره مصغّره عنّا
والعزم صوره مصغّره عنّا
شفافك ع بسمه حبّ مرّنها..
متل ما نحنا تمرنّنا.... يا ابني
ان طلعت الصخره بوجّك اطحنها
ولقمه العمر... بايدك اعجنها
واعطي الارض ولا تمنّنها
بتضحكلك وبتقلك.... اتمنّى
من الارض نحنا والارض منّا