من قال لك اني في البعد مرتاح
كذاب خذ مني العلوم الاكيدة
مهموم طول الوقت والحال ياصاح
كل يوم في ناقص ولا شي بيده
لاجيت هم القلب والروح ينزاح
وتعود لااحلام الليالي السعيدة
نفسي تجي ونعوض العمر لي راح
وتبدى معي في الحب رحلة جديدة
مجروح لك مشتاق والشوق فضاح
والقلب مابه غير كلمة وحيدة
كلمة احبك عطرها من زمن فاح
والنفس غيرك ترفضه ماتريده
مطعون قلبي في الهوى كله جراح
دواه عندك عالجه لاتزيده
طعنات ماهي من سكاكين ورماح
من سيف حبك من مسافة بعيدة