يابو فهد مني غدا الشوق ويلاه.. يابو فهد

والشوق لا منه غدا من يجيبه.. يابو فهد

 

صد الخليل وكايد اليوم مالقاه.. يابو فهد

يافرقة الخلان ياهي صعيبه.. يابو فهد

 

خلي عزيز وكيف أنا اليوم أسلاه.. يابو فهد

من سبب الفرقا عسى الله حسيبه.. يابو فهد

 

الي حرمني مزة ٍ من شفاياه.. يابو فهد

جعله عليل ومايحصل طبيبه.. يابو فهد

 

خلي من الخفرات ماشفت حلاياه.. يابو فهد

هو سلوة المحزون وغيره شبي به.. يابو فهد


مختارات من الصور من حول العالم