بنت ويتيمه عايشه في بيت الاقراب
رغم انهم اقراب لاكن يتيمه
تضحك ودمع العين يسكن بالاهداب
في عمرها الافراح اكبر جريمه
تفتح لها ابواب وتتقفل ابواب
فيها جروح احباب والله اليمه
تشكي قساة الحظ مع قل الاصحاب
حزن الالم فيها بنا بيت خيمه
حتى شعرها من عنا جرحها شاب
تحيى على ذكرى الاماني القديمه
ذكرى ابوها وامها عز الاحباب
ماتوا وخلوها وحيده سقيمه
العم ظالمها حسيبه والاقراب
عاشت معاهم للاسف دون قيمه
والله يسامح من ظلم قلبها الشاب
واللي تركها تعيش عنده يتيمه
صارت يتيمه عايشه ببيت الاقراب
رغم انهم اقراب لاكن يتيمه