غلاي انت ومضنوني.. وحبك ساكن عيوني
ولا غيرك ابد غالي
تصدق لو يعذلوني.. في حبك او يلوموني
حشا فيهم و لا ابالي
حبيبي لا يهمونك.. انا بالحب مجنونك
ولا اسمع فيك عذالي
احبك واحلف براسك.. واموت برقة احساسك
وحبك حيل يحلالي
اعرفك واعرف اساسك.. واعرف الطيب في ناسك
وقدرك دايم عالي
كثير اللي يحسدونك.. من الزين اللي بعيونك
وغيرك ما سكن بالي
ابسرح في تواصيفك.. وابحضن بالمسا طيفك
ما دام انك هوا بالي
انا دايم على كيفك.. رضيت ببردك وصيفك
وجوي فيك يصفالي
حلفت بعمري اصونك.. انا والله ما اخونك
وانت اول وتالي