ساعات بشتاق ليوم عشته وانا صغير لشكلي قبل ما اتغير

لايام فيها راحة البال عشان كنا ساعتها عيال

ساعات بشتاق للحب القديم  ولصوت عبد الحليم

لنومي ف حضن لبس العيد واحساسي ان بكرا بعيد

لفنجان قهوه من امي وانا بذاكر لفرحة ابويا لما انجح واكون شاطر

للمة عيله ف الصيف لما بنسافر على مطروح

لاول لمسه من ايد اللي حبيتها لضحكتها ورقتها وبرأتها

لدمعه ف عيني يوم البعد خبيتها وانا مجروح

 

ساعات بشتاق لخالي وعمي ولجدي لحواديت من بتوع ستي

لليله من ليالي زمان لفرح بيملى كل مكان

ساعات بشتاق لبيتنا الكبير ولناس ماليانا خير

لا باتو ف مرة يوم شايلين ولا عملوا حساب لسنين

للعب الكوره ف الشارع ف حديتنا لامي وهي بتعيد على جارتنا

لرمضان لما بنوره يهل على بتنا وكل مكان

حاجات عدا عليها سنين سابت فينا صور جوانا عايشه زي اسامينا

ولا الدنيا ولا الايام تنسينا ليالي زمان.. ساعات


مختارات من الصور من حول العالم