يامن خبر قلبٍ على الهم محسود

وروحٍ من الفرقا تزايد سقمها

 

لي حاسدٍ بالوصل مايرحم صدود

يذكر طرب روحي وينسى ألمها

 

هو ما درى إني منك ضايع ومضيوم

بالصحبة اللي حلو مرٍ طعمها

 

حبيبتي مالي سوى الحب مقصود

ماني بمن ناسٍ تفوت ذممها

 

ومالي على عيونك سوى عيونك شهود

إني مخلي اللي جرحني سهمها

 

وين المكان اللي عمرناه بوعود

ذيك الرسوم اللي تجافا هدمها

 

ماكن للعبرات به برق ورعود

ولكن قد داس الثرى بقدمها

 

غديت أنا مابين حاسد ومنقود

لحدٍ عزى روحي ولا أحدٍ رحمها


مختارات من الصور من حول العالم