يا سيدي ما لي على الحب سلطان

انت الذي تامره بأمرك وتنهاه

 

كلٍ له اصحابٍ.. وربع ٍ.. وخلان

ناسٍ تبي نعده وناسٍ تمناه

 

إلا أنت كل الخلق في حبك انسان

قلبه معك دايم صباحه وممساه

 

ياللي وسع صدرك لنا دار وأوطان

وياللي الصخى والجود فعلك تعداه

 

ما قولها مدح ٍ ترى اللطف له شان

والعطف مثل الجود تحمد سجاياه

 

أنت البخيل ابمنتك وقت الاحسان

وانت الذي لطفه يباري عطاياه

 

ما كل من فارق غدى مثل سلطان

كلٍ يبي شوفه.. وكلٍ ترجاه

 

لو المرض جيشٍ نطحناه بسنان

ولو الكدر بحرٍ شربناه لرضاه

 

أنا أحمد اللي مبدّل الجهل بإيمان

اللي حمى عمي وصانه وشافاه


مختارات من الصور من حول العالم