لو يبور الملا مااحسب حبيبي يبور
و احسب اني اموت ولا يموت الوفى
و احسب انه على هاك المودة غيور
مااحسب ان الشعاع اللي بقلبه طفى
كيف يا نور عيني و انت للعين نور
يختفي نور وصلك في ظلام الجفى
أثر قلبك على فرقى الولايف جسور
واثر طرفك إلى سهرت عيوني غفى
وين هاك الونين اللي يشق الصدور
وين هاك الدموع اللي تشق الصفا
كل حيٍ إلى دارت لياله يدور
و كل قلبٍ إلى عفت عروقه عفى
ويل قلبٍ توالت فوق قلبه كسور
كن جرح الهوى ياصاحبي ماكفى
ألتمس لك عذر لو كان ما انت معذور
و ان جحدت المودة بان لك ما خفى