جاني كلام إني معك كنت كذاب.. واني محملك الشقى والأسية
واني ابيع الود وابيع الأحباب.. وش باقي ما قلته حبيبي عليّه
ظالم واخاف عليك من يوم وحساب.. ياخي حرام اللي تسويه فيّه
ارفع إيديني طالبٍ رب الأرباب.. واتذكر العشرة وانزل إيديّه
شمت فينا اغراب وابعاد واقراب.. خليت ذا يحكي وهاذي وذيّه
اهديلك البسمة وتهديني انياب.. ليش الوفا في شرع مثلك خطيّه
الله بلاك بناس تفرش لك اهداب.. والله بلاني بناس ماهي وفيّه
ياليت عندي شوي من غدر الأصحاب.. ياليت عندك من وفايا شويّه