بشوفك ساعةٍ وحده وأسافر وأترك الدَّيره
وأقول آسف حَبيب العُمر بنِلقى موعدٍ ثاني
أنا أرجوك لاتزعل حبيبي وأتـرك الحيـره
يجي يومٍ بلا موعِد بصدفه كـود تلقانـي
يضيع اليوم موعِدنا ونِلقى موعـدٍ غيـره
وأشوفك رغم كلِّ الِّلي نخافه والعُمر فاني
حبيبي كثر ما أحبَّك بربَّك تتـرك الغيـره
مادام إنك في قلبي غير فأصبر لو على شاني
يتعِّبنا الهَـوى دايـم وتتعِبنـا مِشاويـره
ويجيك من الهَوى ظُلمٍ كثيرٍ كثر ماجانـي
حبيبي باكر بتفرج حبيبـي علَّهـا خيـره
حبيبي للوفا بذكرك ولى من خنت فإنساني
ترى ما لِلفراق أسباب ترى ما لِلهوى ديره
ولكن غابت عيونك بربك كيف تلقانـي