اِنسَ الدنيا وريّح بالك

واوْعَ تفكّر في اللي جرى لك

انس الدنيا....

 

يآ اللي دموعك لحبايبك

قلْ لي ابتسامتك تبقى لمين؟

اِوْعَ الغرام يشغل قلبك

دا لسّه فيه في العمر سنين

مين الهنا يبقى قصاده

وتشغله عنه همومه؟

عاشق الليل لسواده

فايت لمين عشق نجومه؟

ليه تشغل بالك؟

مين يرحم حالك؟

 

كل اللي أحبه حواليّ

مين زيّي في الدنيا تهنّى

حتى النجوم ملك يديّ

آدي النعيم آدي الجنة

دوق الجمال وتمتّع بيه

من قبل ما يذبل ويزول

واوْعَ يفوت يوم تحلم فيه

واسهرْ دا بُكره النوم ح يطول

ليه تشغل بالك؟

مين يرحم حالك؟


مختارات من الصور من حول العالم