قم حاكني يكفي عذاب انتظاري
وسدت راسي للجمر واحتريتك
تاهت مع اشواقي حروف اعتذاري
ليتك تقبل صادق العذر ليتك
ضي المساء ليتك لحالي تداري
اتعبت قلبي وكل ذنبي هويتك
في غيبتك ليلي تساوى بنهاري
عيني تعاف النوم ماذكر نسيتك
تزعل وتنساني واسامح واداري
وتردلي واقول انا البيت بيتك
بين النجوم الامعات السواري
مثل القمر زاهي جمالك لقيتك
من كثر حبي لك وحسن اختياري
بعت الزمن ثم بغلا اشتريتك
قم حاكني يكفي عذاب انتظاري
وسدت راسي للجمر واحتريتك