لي صاحبٍ ماعاد يسأل علينا... الله واكبر من تصاريف الأيام
أول يطمنا يمر ويجينا... واليوم صار لغيبته عني اعوام
مدري وش اللي غيره مايبينا... عقب الوفاء حطم حياتي والأحلام
ياليت حنا بالهوى مابدينا... دام الهوى لوعات وجروح وآلام
نجامل الدنيا بقولة سلينا... وحنا على درب الهوى ركض واهيام
كذبة طفل لاقلت حنا نسينا... وغلطة عمر لا قفيت عن ترف الأقدام
باكر إذا دار الزمن والتقينا... نبكي جروحٍ مالها عد وارقام
ياما تعاتبنا وياما رضينا... نزعل ونرضى والرضى سيد الأحكام