لا تسافر.. لا تسافر!
قلتها وبقلب صابر
قلتها لأنّي مهدد.. وانتظر بعدك مشاعر
انتظرك بخوف قلبي.. ورعشه تسكن بالكفوف
انتظرك وماي عيني.. لمعها مثل السيوف
واتحرّق.. واتشوّق.. واتحرّى جيتك رغم الظروف
لا تسافر.. لا تسافر!
ياغناتي.. ياهواي
وصافي الود بحياتي
يا طفل مولود ساكت.. لو تغيب بعلن مماتي
اعرف أن العاطفه كانت سلاحي
والعواطف في زمنّا للأسف.. أضعف سلاح
اعرف أن العاصفه انت وجراحي
والعواصف والسفر.. عمق الجراح
ماظن بعدك بتشرق.. زهرة ٍ تعبد صباح
لا تسافر.. لا تسافر!
مابيك غيوم صيف
وما ابيك تكون ضيف
ودّي ياعمري أعيشك.. لاتقول الحين كيف
ترجم الإحساس صرح.. قبل ماتنوي تروح
لاتخليني معلّق بالهوى.. ثمّـن تروح
ما ابي يازين تبعد.. أو تغيب
ما أبيك تروح عني.. كون ياعمري قريب
كون جمبي.. كون حلمي.. كون حربي.. كون سلمي
كون كل العالم المسلوب.. في شباك همسي ولا لا لا لا تسافر
لا تسافر.. لا تسافر!