غدرت بي نوبة و نوبتين.. وكان غرامك مش هاين
تغدر و تبقى العين في العين.. والغدر في عنيك مش باين
خليتني كل ما أشوف حبيبين.. أقول حبيب منهم خاين
الابتسامة دايمه معاك.. ياريتها زيك تتغير
كان منها أعرف دنياك.. من غير ما أسأل و أتحير
مش يبقى قلبك فيه أشجان.. وتبتسم لي
وتبقى ظالم روحي كمان.. وتبتسم لي
خليتني أفرق بيني وبين.. قلبي وبين ما تشوف العين
وصبحت كل ما أشوف حبيبين.. أقول حبيب منهم خاين
أنا بهجرك غصب عني.. وبعود إليك غصب عني
حبي يرجعني وغدرك.. للهجر تاني يرجعني
عارفني من حبي بسامحك.. وعشان كده بتقسى عليا
والصبر بيبان في ملامحك.. من صبري ع القسوة الجاية
خليتني أفرق بيني و بين.. قلبي وبين ما تشوف العين
وصبحت كل ما أشوف حبيبين.. أقول حبيب منهم خاين