شفت كثير فالدنيا يبون القرب شفت كثير
ولكن هم ولا لحظة حبيبي مثلك اغروني
لأنك يا بعد عمري تغنيني ولأني غير
لما أهوى أحب من قلب مثل ما تحب يا عيوني
مثل ما تغير يالغالي أنا أكثر عليك أغير
شوف الغيرة شتسوي بحالي وشكلي ولوني
ولأنك عنهم تفرق نعم تفرق في أشياء كثير
ولو فكرت أنا انساك هذا أخر جنوني
أبيك بكل شي ٍ فيك كل حالة بلا تفكير
أحبك موت أنا أحبك ولام الله اللي لاموني
تدللني حنانك أنت ولطفك يابو قلب كبير
حبيبي منهو بس غيرك وهمساتك يذوبوني