وطليت ع بعلبك بعد عشرين سنة
اسأل اذا شافك حدا تيدلني
لاتقول منك هون بعده عالدراج خيالك
وبعدك طايرة فيك الدني
لوّح منديلك لوّح لوّح مشتاق
وتفاح خدودك لوّح صار بدّه دواق
الحلواية عم تدلل يا قلبي دوب
نصحتك توب من الاول ماكنت تتوب
كرمالي قوم تسهل والدنيا غروب
بلكي عالهجر تحول خاطرها وراق
بالجيرة كنتي صغيرة وفي جار صغير
صغيرة و في قصة كبيرة ربيت بكير
رجعني لهاك الجيرة ياعمر كبير
ورجع ايام الغيرة ونار العشاق
بيتك عالعين الفوقة بيتك موصوف
وغيمات السهل الزرقا عابوابه ضيوف
وسطيحات اللي فوقها معجوقة رفوف
حساسين بترحل جوقة بتطل جواق
لما ع بعلبك جينا جينا والخيل
الخيل البيضا تحيينا من ميل لميل
صرنا شراع بلا مينا تايه بالليل
ينده فينا ماضينا ايام عتاق