لا تحسب اني داله عنـك ناسيـك

لا والذي تنصى المخاليـق ببيتـه

 

لا شك حال الياس دون الرجا فيك

مالي عن المكتوب لو ما رضيتـه

 

ما شفت دمعة عيني اللي تراعيك

هلت على المكتوب ساعة قريتـه

 

وان كان جا مستقبلك مثل ماضيك

اقول يا خلاّف سعـيٍ سعيتـه

 

وان كان تغليني غلاً مثل ما غليـك

مجبور توطا بالهوى مـا وطيتـه

 

إلى متى راحت حياتي وأنا أرجيك

الله لا يقطع رجـاً بـك رجيتـه

 

لو كان تنسانـي فلانـي بناسيـك

حـقٍ وذا ذنـبٍ لنفسـي جنيتـه


مختارات من الصور من حول العالم