متعت نفسك في جراحي وصديت
خليتني مابين حزني ونوحي
تركتني في وسط همي وقضيت
تركتني وانت الذي كنت روحي..
يا معذبن قلبي علامك تخليت
ليه انت قاسي وانت قلبك سموحي
هانت ليالي الحب وانت تماديت
ضيعت قلبي وضاع منك طموحي
يلي بظلم الحب ما يوم حسيت
ودي تشوف شلون بعدك جروحي..
ياما من الأشواق في البعد عانيت
وانت ولا تدري بصمتي وبوحي
لا تدعي انك اليوم حنيت
مهما تلاقي قلبي ماعاد يوحي
والحين بقسى مثل ما انت تقاسيت
خلاص مابيك حتى لو كنت روحي..