سامح الله حبيبي من حكي الناس غاب

يحسب ان المفارق ما يضر الحبيب

كل شي احتملته من حسين الشباب

غير يوم المفارق والله انه صعيب

 

واعذاب المسافر يوم يلحق سراب

كل ماسار عنده ضاع منه النصيب

مثل قلب المولع من طويل الغياب

ينتظر وصل خله والبخت ما يصيب

 

عذبوني وقلبي ما يطيق العذاب

من كلام العواذل كيف جرحي يطيب

شي عن شي واضح والبلا في الجواب

صارت اتعب حياتي من حياة الغريب

 

لا قريب المشاعر شفت خلي كتاب

صفحة الشوق ذوق اوصفحة الحب طيب

كل ماقلت قلبي من هو الزين تاب

يرسل القلب ونه ليت خلي قريب


مختارات من الصور من حول العالم