اعاني وانت في دنياك هاني
ونوم الليل من ظلمك جفاني
تبات الليل في نومك تهنا
بعيدٍ عن عذابي وامتحاني
هقيت الحظ يجمعني بزولك
واثر حظي على الفرقا رماني
خدعني فيك ضني يا ضنيني
ورسم لي جرح في صدر المعاني
تقول انك معي في كل لحضة
واشوفك دالهٍ في درب ثاني
تسليت بشعوري والعواطف
ولا فكرت في همي ثواني
متى قلبك يناديني بشوقه
متى يرسى على وصلك زماني
واضمك في نظر عيني حقيقه
ويضحك للشقى وجه الأماني
اعاني وانت في دنياك هاني
ونوم الليل من ظلمك جفاني
تبات الليل في نومك تهنا
بعيدٍ عن عذابي وامتحاني