غريب يا زمان
زمان غريب يا زمان
يا زمان مالكش امان
تفرق ليه قلوب مشيت
سوا مشوارها واتعاهدت
وفرحت قد مافرحت
ويوم ما قربت بعدت
وكنا زمان
اعز اصحاب
وعشنا عمرنا احباب
وآه لو بايدنا
ماكناش بعدنا
ولا ليلة واحدة
وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
ياما فرحنا الليالى وكل ليلة عيد
يا سهرنا النجوم فى الحب والمواعيد
كنا دايما كل ايامنا سوا
كنا حتى كل مانبعد سوا
فاكر وقت ابام تحلفلى هاتفضل هنا على طول
مش كده يا حبيبى وانا وحدى وخايفة ليالى البعد تطول
وآه لو بايدنا
ماكناش بعدنا
ولا ليلة واحدة
وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
احنا افترقنا ليه
احنا جرا لنا ايه
احنا افترقنا ليه جرالنا ايه
ازاى فى ليلة واحدة
نرضى بفراقنا
والدنيا تانية
هو الزمان ايوة الزمان
ماقدرش اقول غير الزمان
ياما الزمان فرق وجمع قبلنا كتير من زمان
عشت بعدك حاضنة عهدك
والليالى تقول يا مين
تضمك الايام لمين
وآه لو بايدنا
ماكناش بعدنا
ولا ليلة واحدة
وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
يا اللى واخداك الليالى بعيد
وغايب عن حبايبك
يا اللى وحشانى عنيك
ويارتنى طول العمر جنبك
يا ما استنيتك
ومعايا طيفك ليل ونهار
ياما اتمنيتك تيجى
ما لااقيتك وفايتنى فى نار
وازاى اعيش هنا وماتكونش هنا
والله حرام فراقنا ده عم بعضنا
انا هاجيلك انا
والله هاجيلك انا
ولما اجيلك را نقول
احنا كنا لبعض
وهانفضل سوا
والزمن للعاشقين احسن دوا
وادى احنا بعدنا
وادى احنا رجعنا
حبايب مايقدر علينا الزمان