وجع حب.. وجع خوف وجع شوق وجع ضيقـه

على كيفك.. وهاك اختار.. هذي سلـة اوجاعـي

غلا واسمع نزيف الجرح.. كلام الصمت ما طيقه

أنا محتاج اسولف لك.. عن أول وآخر أوضاعـي

 

وابد لا يجرحك صوتي.. حياة الطيـر تحلـيقه

عليك الله تصير الكون.. والمسبـاق والداعـي

انا اصدق طير في الدنيا.. عشق حتى مسابيقـه

ولكنـي بقيـت اذكـر.. معـاك ايـام مرباعـي..

تعال افتح كفوفك حلم.. امـوت بيـوم تحقيقـه

تعال ارسم بحور العشق.. واكسر لو تبي اشراعي

 

ابي غيـم ٍ سـرق ربعـي.. وذللهـم بتشويقـه

ابي ذاتي ابي مولد.. يـوازي صرخـة الناعـي

احس بداخلـي عالـم.. حـرام اقتـل مخاليقـه

حرام اسكت وانا صوتي.. نثرته وجـه لتباعـي..

تعال افتح كفوفك حلم.. امـوت بيـوم تحقيقـه

تعال ارسم بحور العشق.. واكسر لو تبي اشراعي

 

يـا أول قلـب يبكينـي.. وتبكينـي مواثيـقـه

انا اطباعي مهي زينة.. ولكـن هـذي اطباعـي

تغربني قوافي الموت.. واقـود العمـر تشريقـه

اعيش بشبه غيبوبه.. ونا ادري إن الزمن واعي..

اكمل لك وجع خوف.. وجع شوق.. وجع ضيقـه

على كيفـك ترتبنـي.. حلالـك كـل اوجاعـي


مختارات من الصور من حول العالم