قريت مردود السلام قدام أسلم وأسألك
قريت حبٍ ما يهون وخيول شوقٍ مسرجة
على النحر خصلة ظلام ليلك تركها تشغلك
وعلى بحر نجل العيون حبي على النون أنسجه
ما يستحي فيك الغرام سبحان ربٍ كمّلك
الورد بالشفة غصون واللي ورى الورد ثلجه
أسهرت عيني يا حرام يا حظي الغالي هلك
اللي على شوفك تمون من شاف حسنك يبهجه
أنا العليل المستهام الهم لي والفرح لك
ارحم عيونٍ يسهرون ارسم طريقي وأنهجه
علمتني معنى الكلام ما قلت لي قد قلت لك
قريت في وجهك ظنون لا ضاق صدري تفرجه