أحمد الله وأشكره وأثني عليه .. كافل الأرزاق خلاق الأمم

جل شانه مالنا رب سواه .. موجد المخلوق كله من عدم

يا إله العرش يامن لا يضام .. أسألك وأدعوك باسماك العظم

اتفكني من شر عجز ٍ جايرات .. من تبلني تقل طلاب دم

كلهن عندي على ما قيل بين .. محللات بجرورهن ما قد حرم

غافل ٍ عنهم ولا فيهم دريت .. لكن العجز محنني بالتهم

 

أربع وافيتهن أمس الضحى .. في طريق السوق يا مال الوهم

ملتفت خلفي ولاهن واقفات .. وقفن مشبهرات كالغنم

قالت الأولى سمعنا قيل مات .. وهذا هو حي يتركز كالعلم

ما هقينا يقوم من ذاك المطيح .. صاقعات ٍ تصقعه مسرع سلم

مايموت بساع طراد الهوى .. وإبليس مايخرب العشه لو هدم

قالت الأخرى وهي صوبي تشير .. افطنوا له زين ما بقلبه رحم

 

من يبشرني بموته لو يموت .. أعطيه ما أملك و اكتب بالقلم

لا على نفسي ولا هذا جزاه .. من يفك العجز من هذا الصنم

 

الثالثة قالت وهي تمتاز غيظ .. صددوه بسكة وبننتقم

نضربه يا ناس لين انه يموت .. نقطع الأنفاس عنه والنسم

قبل يا جانا ترى ماله أمان .. وإن تولانا ترى فينا حكم

ما بقلبه رحمة لو هو يقول .. لو ينال العجز خلاهن رجم

الرابعة قالت تراكن قاصرات .. ماعرفتوا كلكم صرتوا غشم

ذا جزاه بليل روحوا واعزموه .. وبرزوا له بالغظي ترف القدم

قولوا المجمول طرشنا عليك .. ملزم ٍ يبغيك هذا مالزم

لي سمع تطرون له صافي الجبين .. أبرم الساقين مروي الجسم

أدعج العينين ياويله عليه .. بنت ذاك وذاك تخدمها الخدم

يبي يجي معكم ترى في كل حال .. وأظهروا له بالطريق من الكرم

ولا دخل للبيت خل يكتب وصاة .. نربطه ونزيد برباط عسم

وفي قصاميل السعف نركض عليه .. نضربه لين يغدي جسمه لحم

ذا جزاء منهو يصير لنا حريض .. من يعادي العجز يبشر بالندم

انظر الصغرى بهم تسعين عام .. عمرها والشيب بالراس احتدم

تلتفت وتقول سمعوا يابنات .. كلكم بالعرف من أهل العزم

ساعدوني وكلنا نهجم عليه .. هجمة الماخوذ في يوم الزحم

يحسبنِّي بكل هذا مادريت .. وعن حكيهن يحسبنِّي في صمم


مختارات من الصور من حول العالم