خلاص من حبك ترى خاطري طاب.. هدمت يالمغرور حبك من الساس

 

حبك تغير قلنا ويش الاسباب.. والإ سمعت الي حكو فيه الانجاس

 

تلعب على الحبلين ماتحسب احساب.. والي من اجلك بين هم(ن) وهوجاس

 

تضحك يابو وجهين وأثريك كذاب.. خليت منهو من سبايبك محتاس

 

خساره أيام(ن) حسبتك للاقراب.. من شان حبك عفت أنا اقرب الناس

 

أيا عديم الذوق أنكرت الاحباب.. خدعت من قلبه رقيق(ن) وحساس

 

كنت احسبك وافي وأثريك نصاب.. خاين عهد غدار معدوم الاحساس


مختارات من الصور من حول العالم