نسيتي عبدالله الرويشد

نسيتي من نسى الدنيا ولكن ما قدر ينساك

ولو نفرض نسيتي شعوري كيف تنسينه

قسيتي قسوة ايامي وبآخر قسوتك فرقاك

ومحبوبك ولا حتى على فقدك تواسينه

نساك وقرر الفرقا ولكن لا نسا يجفاك

يغيب ولا يغيب الحب من قلبه ومن عينه

جروح الحب تبكيني وجرحي منك ما بكاك

وحتى الحزن يبكي منك ما ظنيت تبكينه

عزاي ان النخيل الشامخة ما تنحني لرضاك

تظللك المشاعر والثمر يرجم وتجنينه

عزاي ان العطا يرسم معاني فرحتي بشفاك

وكنك لا خذيتي من فؤادي حب تعطينه

عزاي ان الليالي في لياليها سرت مسراك

يضيع العمر من عمري ولا اطلب منك توفينه

عزاي الشمس لو تشرق مشاعرها زهت ظلماك

عزاي ان الشعور اكبر يطولك ما تطولينه

ولو حبو وحبيتي وعاش الحب في دنياك

على فكرة مثل حبي محال انك تعيشينه

ذكرتي كل شي الا حبيب ما نسا ذكراك

ولو فعلا نسيتي ما بقى شي تعرفينه