ما يخصني في ظروفك.. اليوم لازم اشوفك
ما فيني اصبر لبكره.. مشتاق عيني لشوفك
اشتاق لك حيل واضما.. واحتاجك اكثر من الما
واصير في بعدك اعمى.. وما اشوف إلا طيوفك
لو كنت فعلا اهمك.. خلني بعيوني ألمك
بيدين قلبي اضمك.. واهنا بلمسة كفوفك
برضاك او غصب عنك.. باخذك منهم ومنك
واذا سأل حد عنك.. يقدر في عيني يشوفك
نهاري مظلم بدونك.. ونجوم ليلي في عيونك
كوني انا صار كونك.. من وين ما رحت اشوفك
والله لولا هيامي.. ما كان هذا اهتمامي
افهم حبيبي كلامي.. واقرا في قلبي حروفك