ان قام حظك باعلك و اشترى لك
و ان مال حظك لا شرى لك ولا باع
لا تامن الدنيا على ماصفى الك
دنياك ما ترسى على حال و أوضاع
لو كل مقصود تهيأ و جالك
ما مسيت بالمشراف و أصبحت في القاع
مابه أحد يبكي على ضيق حالك
من لا حمل حملك فلا حس بأوجاع
لابد ما تصفق يمينك شمالك
من زود ما بي الناس من زيف و خداع
تلقى البديل اللي تخير بدالك
والوقت لو ما طاع لابد ينطاع
اغنم سكوت الريح و اتبع منالك
و شفايده تندم على الوقت لي ضاع
خل الحزن لا صار فوق احتمالك
مع ضحكة تحييك من بين الأضلاع
خل السعد و الطيب و الخير فالك
لا لا يغرك بالسما برق لماع
هذي نصيحة من قلبي قلتها لك
حتى النصيحة مالها اليوم سماع