احبك حيل وادري الحب بلوه
انا اش بيدي مدام الله بلاني
اذا حاولت انا النسيان ما اقوى
عجز قلبي يحب انسان ثاني
انا لي في هواك مليون شكوى
وجروح كثار وشوية اماني
هواجس ليل هقوى عقب هقوى
وكل ما ضعت في عشقك لقاني
تنقيتك ما بين الناس هقوى
نزعتك ثم غرستك في كياني
تهاونت وحسبت الحب نزوه
اثاري اصبح الغايه بزماني
اجيك بشوق وانا ضامي ابروى
اجيلك ياللي تدري لك ضماني
يا سكر يا شهد يا طعم حلوى
تذوب كلمته حبك لساني