يا بلدنا لا تنامي .. دوّري وسط الأسامي
واجمعي الصف الأمامي
واتصفي وراه يا بلدنا..
دوّري على مخلصينك اللي من زمان شاريينك
وباعوا الراحة
لبسوا هدمة شغالينك قعدوا ويا فلاحينك
في الغيط والساحة
أولادك أولاد كفاحك أولاد ضحكتك وجراحك
أصوات الثورة
هما القلع وهما الصاري بصي حواليكي واختاري
سكتى لبكرا
يا بلدنا
هما شايفين القضية في ضمير الأيام الجاية
شايفين المحطة محطة الوصول
عارفين إيه معنى الحرية وازاي الكلمة الثورية
تجي شيل وحط الحق بالأصول
كوني سد او كوني رد و مدي اليد لفوق يا بلد
قولي أيوا قولي لأ النصر قريب مهما بعد