ما تضيق إلاّ وتفرج
يــأتي الله بالـفــرج
لي متى مكسوف ومُحرج
بيننا ما فيه حــــرج
قول ما عندك حبيبي
خلني أشاركك بالآه
لا تشيل الهم وحدك.. واترك الباقي على الله
نقسم الهم و الأسية
بالتساوي لك ولي
لي شوية ولك شوية
لا تخبي شيء علي
بعد هذا الضيق لا بد
كل شيء يرجع لمجراه
لا تشيل الهم وحدك.. واترك الباقي على الله
إبتسامتك الرضية
مثل ما راحت تجي
إبتسم ولك عليّ
وعد تأخذ ما تبي
والذي بينك وبيني
سر بس يعلم به الله
لا تشيل الهم وحدك.. واترك الباقي على الله
أعاملك بطيب نيّة
دلني كيف ابتدي
لكن النفس الشقيّة
حظها دايم ردي
ليتها إلاّ بالأماني
من تمنى شيء يلقاه
لا تشيل الهم وحدك.. واترك الباقي على الله