البـارحـه  ونـيـت..واهتز سطـح البيـت

علـى اللـذي وافيـت.. داخل علـى الدكتـور

 

منديلـه فـي يسـراه.. والشنطة فـي  يمنـاه

ياليتـنـي ويـــاه.. كان ما علـي قصـور

 

لحقتــه ولزيـتـه.. لولا الخوف  حبيتـه

مسكـتـه  وتليـتـه.. وقلت ارحم  المجبـور

 

لفت وقـال اش فيـك.. قلت لـه مولـع فيـك

اطلـب وانـا بعطيـك.. وساعد فتى  مخطـور

 

بمـوت مـن حـبـك.. يازين خـوف  ربـك

اعطـف علـي قلبـك.. واقول لـك  مشكـور

 

قـال اش تبـي منـي.. ارجــوك علمـنـي

قـلـت اه ارحمـنـي.. وقلـي متـى بتـزور

 

ابغى اجتمع انا ويـاك.. فـي بيتنـا برضـاك

بس قلي وين  القـاك.. واترك كـلام  الـزور


مختارات من الصور من حول العالم