اعمل ايه طارق الشيخ

اعمل ايه.. اعمل ايه

لو حسيت انك وحداني..

لو مظلوم وبقيت الجاني..

لو دمعك بيقول اه ياني..

ومحدش بيرد عليه اعمل ايه

تعمل ايه.. تعمل ايه

لحد امتى.. لحد امتى.. لحد امتى حأفضل حزين..

واشيل في قلبي.. واكتم واخبي.. وحداوي امتى جرح السنين

كل جرح وله طبيب الا جرحين..

كل قلب وله حبيب الا قلبين..

كل ليل ونهار الا ليلي..

كل سكه بمشي فيها تتوه دليلي..

كله مرتاح الا انا مين يا دنيا زي انا مين

من زمان وانا صابر على الأيام..

لا ذقت طعم الهنا ولا عمري جرحي نام

تاهت السنين وانا بنده على الأفراح..

اشمعنى بختي انا يطلع هموم وجراح

انا كنت غالي الثمن واتبعت بأرخص ثمن..

يا مين يقول للزمن ارحم كفايه حرام

عملت ايه..

عملت ايه يا زمن.. علشان تبكيني..

عملت ايه يا زمن.. تعالى وريني

هاتلي واحد يوم خدعته ولا خنته..

هاتلي واحد يوم ظلمته ولا بعته

ليه هلاك الغدر كله من حبيبي..

ليه عذاب الدنيا على احسن نصيبي..

ليه دموعي مبتنتهيش

حبيبي فين..

اقولك ايه يا زمن.. اقولك التاني

انا قلبي داب يا زمن.. من كتر احزاني

نفسي افرح ليله واحده من حياتي..

نفسي اهرب من دموعي ومن اهاتي

فين الاقي قلب مخلص زي قلبي..

يشتريني واشتريه واديلوا قلبي

فين يا دنيا المخلصين

حبيبي فين..

حبايبي فين يا زمن.. حبايبي واصحابي

فاتت سنين يا زمن.. ولا دقوا على بابي

اه يا قلبي ياللي دوبت من الاسيه..

اه يا عمري ياللي ضعتي من ايديه

مين يصدق اني ببكي كل ليله..

اني عايش في العذاب سنين طويله..

مين يصدق يا قلبي مين

اخرتها ايه..

اخرتها ايه يا زمن اخرتها ايه قولي..

العمر ضاع يا زمن ايه اللي فاضلي

امتى ترحم يا زمن وتحس بيه..

طال عذابي والدموع كرهت عينيه

امتى الاقي الفرحه جايه بتناديني..

امتى اعوض اللي فاتني من سنيني..

امتى اشوفك يا ضي عيني

من زمان وانا صابر على الأيام

لا ذقت طعم الهنا ولا عمري جرحي نام