كام الف مره أحذر.. من اسرائيل كلها
فاكريني كنت بهزر.. أهي بانت على أصلها
علشان اتنين عساكر.. عاملين قلق كبير
خلاص نسيوا المجازر.. والكام مليون أسير
حزين على لبنان.. والشعب اللي اتضرب
وعلى فلسطين كمان.. راح فين صوت العرب
من اسرائيل ونارها.. كم الف بيت اتهد
امريكا واقفه جارها.. ومش هممها حد
عايزين اعلام يداري.. مصايبهم الكتيره
ضربو قناة المناره.. وعينهم ع الجزيره
قالوا في العراق كيماوي.. الكل قال أمين
أهي كترت البلاوي.. هفضل أفهم في مين
خلاص بقينا مزه.. لب وترمس وشاي
سوريه ولبنان وغزه.. والباقي لسه جاي
عاملين علينا لمه..يدوب قاعدين نبص
والضرب في كل يمه.. والكل هس هس
لو اي حد قاوم.. نقول تسلم ايديك
على غدر الصهيونيه.. احسن مانلوم عليه
ليهم سنين طويله.. قاعدين يتنططو
ضربه واحده في ايفا خلاهم عيطو
شارون ارتحنا منه.. قولنا هنلاقي حد
وأتاري اللي بعد منه.. طلع أوسخ واذل
يا عرب بلاش تشدو.. وبلاش في بعض نعض
لو ع الإهانه سكتو.. اومل في ايه ح نرد
يا عم عربي اصحى.. يا عم عربي فوق
سايبني لوحدي ااتي.. والحال عمال يسوء