ياهوي البال روحي من فراقك عليله = والخطر عنك يامظنون عيني حداني

 

مااقدر اصبر علي فرقاك يوم وليله = الله اللي بحبك صابني وابتلاني

 

اتحيل ولا لي في مواصلك حيله = اشهد ان الموده من بلاوي الزماني

 

حيلتي يوم اعدي فوق راس الطويله = كل ماجبت صوت يتبعه صوت ثاني

 

من هوي اللي برمح الحب يذبح قبيله = صابني ياهلي بالحب صافي الثماني

 

اتدخل عليه ولا يزبّن دخيله = بالسهوم الخطيره من عيونه رماني

 

لاخزرني بعينه طحت مالي وسيله = حارت الرجل والله ماتعدى مكاني

 

من لحض في عيونه طاح واعزتي له = سهم عينه مثل سهم ام خمس الآوماني


مختارات من الصور من حول العالم