ياحبيبي علامك ماترد الجواب = ما وصلني كتابك وانت عني بعيد
صاب قلبي من اجلك يوم غبت التهاب = احسب الحب ينقص والمحبه تزيد
انظر الحال من شان الجفاء والغياب = تنقص نصف كني في عذاب شديد
ياحبيبي دخيلك كان خاطرك طاب = هاك جسمي وعذبني ولا لك ضهيد
لاتحسف عليا حيث توي شباب = موجب ان الحيات من دونكم ماتفيد
موتي اريح من الدنيا وباقي العذاب = كان ما فيك رحمه سوبي ماتريد
التفرق عقب جمع الحبايب ذهاب = كل واحد بفرقه صاحبه يستصيب
خبرن ياحبيبي الا وصلك الجواب = وش يناسبك بالموضوع بأول بريد
لا رساله تجيني منك ولا جواب = قلي مالك بحالي ياحبيبي حبيب