انا تل قلبي تل.. هوى البال في المشتل
ابو مبسم ٍ يقتل.. وعيون قتاله
لقيت الخطر كله.. بعينه على حله
سيوف الهوى سله.. وتسعين خياله
انا ويش مصلوحي.. خطير ٍ على روحي
والقلب ما يوحي.. ولا طاع عذاله
مرض خاطري ودواه.. مثله وفي شرواه
انا خاطري يهواه.. وهو خاطره داله
به العين مفتونه.. ولا اقوى العزى دونه
أحجاه مقرونه.. هني من تهيى له
انا عقب ماشفته.. على طول والفته
له القلب كلفته.. اراعيه وابرى له
قتيل العيون السود.. مايلحقه منقود
من اقفى نعيم العود.. وانا حالتي حاله
ملكني هوى الغالي.. عقب عرفنا التالي
هو اللي على بالي.. وانا اللي على باله
قلوب المحبيني.. سوات الموازيني
وانا الدمع من عيني.. على الخد نزاله