انا البارحه قلبي تديره تفاكيره
اهوجس ودمع العين وحده وثنتيني
الا واعذابي كان طالت بي السيره
انا ويش اسوي كان طاول سهر عيني
صدفني غزالٍ جافلٍ شايف ذيره
طفح شوف عينه من ورى الناس الاقصيني
عديم الوصايف مع هل البر والديره
انا قبل اشوفه شوف والله معافيني
الا واهني ياللي تلمه به الجيره
ابتبع هواه وعن هوى الناس يكفيني
انا حالف بالله مااتبع هوى غيره
فراقه يموتني ولامه تشفيني
ابصبر لعل الوقت ترمي مقاديره
بزول كلامه في حياتي يسليني
عسي الله يدبرني علي احسن تدابيره
ويجبر صوابي منك ياكامل الزيني