ابكي معي يا نجوم ليل انتظاري
مات الأمل قولي معي ياخسارة
حسي معي قسوة لهيبي وناري
آخر رجا يانجوم ونة مرارة
محد ٍ درى يانجوم أنا ليش ساري
غير الانين الذي يزيد الحرارة
صار القمر يانجوم جارك وجاري
والجار حق الجار منه الزيارة
يانجوم ردي زاد منك احتياري
عز الكلام وما بقى إلا الإشارة
يانجوم ما جيتي معي باختياري
في ليلة ما غاب سيد العذارى
اللي على فرقاه هلت عباري
من فوق عيني جاريات بغزارة
أقفى وصد ولا ذكر ويش جاري
واقفى معه ليل ا لفرح مع نهاره
ليته تهيد لين يسمع قراري
ولا يعلمني الغضي في قراره
لا قال أنا بايع ولا قال شاري
عيا يقول رغبته واختياره