ودي انسى ودي ارتاح... ودي انسى كل ماراح
يسـلى قلب كله جــراح... من عـذابي والهـمـوم
ودي انسى ماجــرى لي... من غــرابيل الليـالي
بالهــوى واعــزتــــالي... ساهــرٍ ويا النجــوم
لا ذكرت الزين ساعـة... زاد قلبي في التياعه
حـط بي خــلي وداعــة... عــلـةٍ خــــايف تدوم
صاحبي في الحب غالي... حاسدي مالك ومالي
بالعــذل عــذبت حــالي... يكفي عــذل يالظـلوم
عـذلكم كـان السـبايب... ليش فرقـتوا الحبايب
كـيف تنسـون العـقايب... من ولي فينا رحـوم