من يعين اللي حياته في خطر
شاقها ياناس محكول النظير
انجبر قلبي وناداه الكدر
وارتوت عيني على جال كسير
يختفي حزني بنسيان القدر
وان بدا بالروح شي بي يصير
صوب عين اللي خياله لو خطر
طابت العبرات من جوفي تطير
ما قويت اخفي غرامي واعتذر
كود ربعي تبعد الظن الخطير
للعواذل دمعة الجرحى مطر
لو بكت عين المشقى تستجير
وان بغيت النوم في عين السهر
وقظت روحي على صوت المسير
في دروب الليل في ظي القمر
ردني للشوق هاجوس الضمير