قريب واحساسك بعيدٍ وادله
ما قد شكيت ابعاد شخصك تعاتيب
المشكل إنه ما بدا منك زله
فيك الطبايع يلمس الجرح ويطيب
طرد المقفي يا مقفي مذله
مثلك تلطف واحسب اللطف ترغيب
ما شفت منك إحساس خلٍ لخله
مانكرت فيك الحسن واللين والطيب
لا صار ظني يالغضي في محله
مانكر حلاة الحب من غير ترغيب
حبك كفاني هم والحال سله
يا ليتني هذاك رغم العذاريب
يا ليت قلبي عن غرامك تدله
قلبٍ عرف قدرك وشاف التعاجيب
بدايتك طفيت في القلب غله
ونهايتك مليت قلبي لواهيب
ومصيبتي يا ماخذ الحب كله
إنك لغيري وانت كل المطاليب