حظ عيني لو تشوفك كل يوم
حظها وانته لناظرها الضيا
نام فيها نام وانعس لا تقوم
بالسعادة يا تباشير الحيا
إنته اللي لك أنا عمري أسوم
وارخص الغالي بلا زيف وريا
والبقا يا ما لهم عندي لزوم
قلبك وقلبي حبايب أوفيا
غيبتك وجدان واحزان وهموم
تتعب أفكاري تسبب لي عيا
ودي بشوفتك مع طيب العلوم
عن عيوني لا يبعدك النيا
صدق أنا مشتاق لكني كتوم
أجبر عزومي ويمنعني الحيا
منزلي فوق الكواكب والنجوم
وافي وسمعي على صوتك حيا
وش على عيني إذا شافتك دوم
دامك إنته في نواظرها الضيا